O coordenador local de EU considera que o rechazo dos dous grupos á proposición non de lei do BNG transaccionada polos grupo de IU e do PSOE debatida onte no Congreso dos Deputados é un paso atrás na defensa colectiva e plural dun sector extratéxico para a Ría de Vigo. A proposición non de lei foi rexeitada por 180 votos en contra (PP e UPYD) 130 a favor (PSOE, BNG, IU, PNV) e 17 abstencións (CIU, UPN, CC)
EU considera que priorizar os criterios de competencia da UE sobre os miles de postos de traballo que poden nutrirse do sector é a demostración palpable de que hai partidos que ante os mercados ou os traballadores e traballadoras teñen claro as súas prioridades. O TAX LEASE para o coordenador local de EU en Vigo non ten nada que ver coa competencia e sí contra a escasa capacidade negociadora do goberno español ante os intereses económicos de outros países europeos que contruen barcos con sistemas de financiación semellantes.
A deputada de IU Ascensión de las Heras, que defendeu as enmendas de ESQUERDA UNIDA á proposición non de lei lembrou que existe un serio risco de desaparición do sector naval e que somentes a dedicida acción pública a crear un tecido empresarial público de construcción naval pode axudar a reverter a situación.
Igualmente denunciou que existen moitos intereses especulativos de grupos accionariais no sector que en ocasións pouco ou nada teñen que ver coa creación de emprego e si coa conta de resultados accionariais.
