A Illa ten os indicadores máis baixos de mortalidade infantil en América
Guillermo Nova | La República | La Habana
Máis de medio millón de nenos cubanos serán vacinados contra a poliomielitis, nunha campaña que comezou hoxe en toda Cuba na súa primeira etapa e estenderase ata o 11 de marzo.
Neste período uns 360.000 menores de tres anos recibirán unha dose oral de inmunógeno, en dúas pingas, mentres que nunha segunda fase será fornecida unha segunda dose a uns 145.000 nenos de nove anos aos que se lles reactivará a vacina, segundo informou o doutor Miguel Anxo Galindo, asesor do Programa Nacional de Inmunización do Ministerio de Saúde Pública.
Galindo alertou que a vacina non debe ser administrada aos nenos que teñan febre alta, vómitos ou diarreas, nin pode inxerirse auga 30 minutos antes e despois, porque o cloro dese vital líquido inactiva a vacina.
Desde que o goberno revolucionario cubano emprendeu en 1962 estas campañas erradicáronse cinco enfermidades prevenibles de vacinas, como a poliomielitis, difteria, sarampión, rubéola e tose ferina.
Ademais o médico cubano destacou que tamén se eliminaron o tétanos neonatal, a síndrome de rubéola congénita e a meningoencefalitis posparotiditis, e deixaron de constituír problemas de saúde en Cuba o tétanos e o haemophilus influenzae, axente bacteriano causante de meninxite e pneumonías nos menores de idade.
Grazas ao desenvolvemento científico que ten Cuba nesta materia na actualidade os nenos cubanos son protexidos contra 13 enfermidades con 11 vacinas, o cal sitúa á Illa cos indicadores máis baixos de mortalidade infantil en América.
Ref: http://www.larepublica.es/spip.php?article18929
