ESQUERDA UNIDA CONSIDERA QUE A ACTITUDE DA PATRONAL ESTATAL (CONFEMETAL) NA NEGOCIACIÓN COLECTIVA AMOSA COMO A PATRONAL DO METAL EN PONTEVEDRA ACTUABA TELEDIRIXIDA POR DIAZ FERRÁN DENDE O INICIO DO CONFLICTO EN PONTEVEDRA
Para EU a realidade da cerrazón da patronal pontevedresa na negociación do convenio pontevedrés responde a extratexia da CEOE de conxelar a negociación colectiva e aproveitar a crise para desartellar dereitos laborais.
ESQUERDA UNIDA DE VIGO considera lamentable a actitude da CEOE na negociación colectiva deste año, feito que vai obrigar a 18 federacións provinciais do metal de UGT e CCOO de todo o estado a celebrar unha xornada de paro o vindeiro 28 de outubro.
A aqueles que acusaban os traballadores do metal de Pontevedra de actuar de xeito irresponsable pedindo subas salariais irreais que non se estaban pedindo en outros convenios ESQUERDA UNIDA quere recordarlles que é absolutamente falso, que en máis de 18 provincias españolas se están poñendo enriba da mesa os mesmos problemas e propostas sindicais e que o 28 de outubro serán máis de medio millón de traballadores os se vexan afectados polo estancamento na negociación colectiva no sector.
ESQUERDA UNIDA chama tamén a cidadanía viguesa a apoiar e defender os 13 traballadores que sufrirán xuizo os días 19, 20 e 21 de outubro en VIGO polos sucesos da carga policial no conflicto pola negociación do convenio o ano 2006. As peticicións de máis de 3 anos de cárcel que se pon por parte da acusación enriba da mesa so se pode calificar de propia dun sistema xudicial represivo e carente de equidade democrática.
