Esquerda Unida de Vigo participará na homenaxe que celebrase ás 19:30 horas no Salón de Actos do M.A.R.C.O. para lembrar a unha das figuras de referencia de moitos movementos sociais de Vigo nos que participou activamente: Comités anti-sida; o IMAN, a Marcha Mundial das Mulleres, Asemblea Republicana, Asociación Viguesa pola Memoria do 36, Colectivo Violeta, etc..
Mestra. Natural de Monforte, residía en Vigo dende o ano 79. Militou no PC dende o ano 72 e en Esquerda Unida dende a sua formación. Foi militante activa no colectivo vigués antisida (IMAN) e no movemento feminista, nomeadamente no Colectivo Violeta e na Marcha Mundial das Mulleres. Membro tamén da Asociación de axuda ós presos Concepción Arenal. Foi ademáis cabeza de lista de ESQUERDA UNIDA nas municipais de 2007 en Vigo.
O acto contará coas intervencións de:
- Marcha Mundial das Mulleres (Victoria Iglesias)
- Asemblea Republicana de Vigo (Celso)
- Intervención do Colectivo Violeta (María Santos)
- Intervención da Asociación da Memoria Histórica do 36 (Telmo)
- Intervención do Colectivo IMAN CEDRO, con poema incluído (Pablo Veloso)
- Intervención de Esquerda Unida (Eva Solla)
E coas actuacións musicais de Tino Baz e de de Laura Quintillán, , tocando mezcolanza do Himno da República, a Internacional e o Himno Galego.
